Ad rivum eundem Lupus et Agnus venerant siti compulsi:
superior stabat Lupus, longeque inferior Agnus:
tunc fauce improba latro incitatus jurgii causam intulit.
Cur, inquit, turbulentam fecisti mihi istam bibenti?
Laniger contra timens, qui possum, quaeso, facere quod quereris, Lupe? A te decurrit ad meos haustus liquor.
Repulsus ille veritatis viribus, ante hos sex menses male, ait, dixisti mihi.
Respondit Agnus: equidem natus non eram.
Pater, hercle tuus, inquit, maledixit mihi.
Atque ita correptum lacerat injusta nece.
Haec popter illos scripta est homines fabula, qui ficti causse innocentes opprimunt.
This was the fabula and this is the lamb ....
wolves you find them!
0 comments:
Post a Comment